KATİBLİK

Baş Prokurorluğun “İşin Təşkili Qaydaları”na əsasən Elm-Tədris Mərkəzi Elmi-Məsləhət Şurasının və Etik Davranış Komissiyasının, eləcə də 2021-ci ildən “İlin ən yaxşı müstəntiqi” və “İlin ən yaxşı dövlət ittihamçısı”, 2024-cü ildən isə “İlin ən yaxşı prokuroru” müsabiqə komissiyalarının katibliyi funksiyasını həyata keçirir.

İlin ən yaxşı müstəntiqi

Prokurorluq orqanlarında ibtidai istintaq fəaliyyətinin keyfiyyətinin daha da yaxşılaşdırılması, işin səmərəliliyinin artırılması, prokurorluq işçilərinin peşəkarlıqlarının, motivasiyalarının yüksəldilməsi, müsbət iş təcrübəsinin yayılması, kadr ehtiyatının formalaşdırılması məqsədilə Azərbaycan Respublikası Baş prokurorunun 21.12.2021-ci il tarixli 15/24 №-li əmri ilə təsdiq edilmiş Təlimata uyğun olaraq 2025-ci ilin yekunlarına əsasən prokurorluq orqanlarında “İlin ən yaxşı müstəntiqi” adlı növbəti müsabiqə keçirilib.
İki mərhələdən ibarət müsabiqənin ilk mərhələsi Baş Prokurorluğun struktur qurumlarının rəhbərləri tərəfindən keçirilməklə, müsabiqəsinin ikinci mərhələsində iştirak etmək üçün namizədlər seçilmiş və bununla bağlı müvafiq məlumatlar təqdim edilmişdir.
Müsabiqənin ikinci mərhələsi isə Baş prokurorun müvafiq əmri ilə yaradılmış Baş prokurorun birinci müavini Elçin Məmmədovun sədrliyi və Elm-Tədris Mərkəzinin Prokurorluq işçilərinin fəaliyyətinin qiymətləndirilməsi və peşə hazırlığının artırılması şöbəsinin böyük prokuroru Behruz İbrahimovun katibliyi ilə Müsabiqə Komissiyası tərəfindən həyata keçirilmişdir.
Müsabiqənin ikinci mərhələsində Komissiyanın iclaslarında namizədlərin göstəriciləri, o cümlədən ibtidai istintaqı yekunlaşdırılmış cinayət işlərinin sayı, təsnifatı, törədilmə şəraiti, aktuallığı, mürəkkəbliyi, iş üzrə təqsirləndirilən və zərər çəkmiş şəxslərin sayı, vurulmuş ziyanın ödətdirilməsi, qəbul edilmiş qərarların qanuniliyi və əsaslılığı, törədilmiş və ya hazırlanan cinayətlər haqqında məlumatlara və vətəndaşların müraciətlərinə baxılması sahəsində göstəriciləri, habelə digər göstəriciləri komissiyanın sədri və üzvləri tərəfindən təhlil edilib qiymətləndirilərək onların arasından gizli səsvermə yolu ilə daha üstün göstəricilərə malik namizəd qalib hesab olunmuş, habelə 2 və 3-cü yerləri tutan şəxslər müəyyənləşdirilmişdir.
Belə ki, Komissiyanın 05.02.2026-cı il tarixli yekun iclasında isə ilk iclasda ən yüksək göstəricilərə malik namizədlər arasından ən üstün göstəricilərə malik olan qalib, eləcə də 2-ci, 3-cü yeri tutan şəxslər müəyyən edilmişdir.

Komissiyanın qərarına görə “İlin ən yaxşı müstəntiqi” müsabiqəsinin:

• Baş Prokurorluğun İstintaq idarəsinin xüsusilə mühüm işlər üzrə müstəntiqi, I dərəcəli hüquqşünas Məmmədov Məhərrəm Qəşəm oğlu qalibi,
• Baş prokuror yanında Korrupsiyaya qarşı Mübarizə Baş İdarəsinin İstintaq idarəsinin  mühüm işlər üzrə böyük müstəntiqi, kiçik ədliyyə müşaviri Mehtiyev Şahin Əhməd oğlu 2-ci yeri tutmuş,
• Ağdam Hərbi prokurorluğunun mustəntiqi, ədliyyə baş leytenantı Hacıyev Vüsal Sədi oğlu isə 3-cü yeri tutmuş hesab edilmişdir.

İlin ən yaxşı dövlət ittihamçısı

Prokurorluq orqanları tərəfindən məhkəmələrdə dövlət ittihamının müdafiəsi və məhkəmə qərarlarının icrası qaydasında icraatda iştirak üzrə fəaliyyətinin keyfiyyətinin daha da yaxşılaşdırılması, işin səmərəliliyinin artırılması, prokurorluq işçilərinin peşəkarlıqlarının, motivasiyalarının yüksəldilməsi, müsbət iş təcrübəsinin yayılması, kadr ehtiyatının formalaşdırılması məqsədilə Azərbaycan Respublikası Baş prokurorunun 21.12.2021-ci il tarixli 15/24 №-li əmri ilə təsdiq edilmiş Təlimata uyğun olaraq 2025-ci ilin yekunlarına əsasən prokurorluq orqanlarında “İlin ən yaxşı dövlət ittihamçısı” adlı növbəti müsabiqə keçirilib.
İki mərhələdən ibarət müsabiqənin ilk mərhələsi Baş Prokurorluğun struktur qurumlarının rəhbərləri tərəfindən keçirilməklə, müsabiqəsinin ikinci mərhələsində iştirak etmək üçün namizədlər seçilmiş və bununla bağlı müvafiq məlumatlar təqdim edilmişdir.
Müsabiqənin ikinci mərhələsi isə Baş prokurorun müvafiq əmri ilə yaradılmış Baş prokurorun müavini Heydər Məmmədovun sədrliyi və Elm-Tədris Mərkəzinin Strateji planlaşdırma və risklərin müəyyən edilməsi şöbəsinin böyük prokuroru Bəhlul Yaqubovun katibliyi ilə Müsabiqə Komissiyası tərəfindən həyata keçirilmişdir.
Müsabiqənin ikinci mərhələsində Komissiyanın iclaslarında namizədlərin göstəriciləri, o cümlədən icraatında yekunlaşmış işlərin və verilmiş protestlərin sayı, qanunvericiliyə edilmiş dəyişikliklərlə bağlı verilən rəy və təkliflər, hüquqi maarifləndirmə sahəsində fəaliyyət üzrə göstəriciləri, habelə digər göstəriciləri komissiyanın sədri və üzvləri tərəfindən təhlil edilib qiymətləndirilərək onların arasından gizli səsvermə yolu ilə daha üstün göstəricilərə malik namizəd qalib hesab olunmuş, habelə 2 və 3-cü yerləri tutan şəxslər müəyyənləşdirilmişdir.
Belə ki, Komissiyanın 04.02.2025-ci il tarixli ikinci iclasında ilkin iclasda ən yüksək göstəricilərə malik namizədlər arasından ən üstün göstəricilərə malik olan qalib, eləcə də 2-ci, 3-cü yeri tutan şəxslər müəyyən edilmişdir.

Komissiyanın qərarına görə “İlin ən yaxşı dövlət ittihamçısı” müsabiqəsinin:

• Baş Prokurorluğunun Dövlət ittihamının müdafiəsi üzrə idarəsinin Şəki Apellyasiya Məhkəməsinin yurisdiksiyasına aid olan birinci instansiya məhkəmələri üzrə prokuroru (Balakən rayon məhkəməsi üzrə),  II dərəcəli hüquqşünas İsgəndərli Gültac Ramin qızı qalibi,
• Dövlət ittihamının müdafiəsi üzrə idarəsinin Ağır cinayətlər məhkəmələrində dövlət ittihamının müdafiəsi üzrə şöbəsinin prokuroru (Bakı Ağır Cinayətlər Məhkəməsi üzrə), ədliyyə müşaviri Qafarov Ergin Tofiq oğlu 2-ci yeri tutmuş,
• Azərbaycan Respublikası Hərbi Prokurorluğunun Dövlət ittihamının müdafiəsi üzrə şöbəsinin prokuroru, ədliyyə polkovnik-leytenantı Mirzəyev Rəşad Ziyafət oğlu isə 3-cü yeri tutmuş hesab edilmişdir.

İlin ən yaxşı prokuroru

2025-ci ilin yekunu üzrə “Azərbaycan Respublikası Prokurorluğu orqanlarında “İlin ən yaxşı prokuroru” müsabiqəsinin keçirilməsi haqqında” Təlimata (bundan sonra – Təlimat) uyğun olaraq cari ilin yanvar ayının 5-dən 15-dək müsabiqənin birinci mərhələsi keçirilmişdir.
Müsabiqənin ikinci mərhələsində iştiraka buraxılmaları üçün işlədikləri qurum rəhbərləri tərəfindən namizədlər barədə təqdimatlar və işin kəmiyyət göstəricilərinin əks olunduğu cədvəllər müsabiqənin keçirilməsi üzrə Komissiyanın katibliyi funksiyasını yerinə yetirən Elm-Tədris Mərkəzinə göndərilmişdir. Daxil olmuş sənədlər Komissiyanın katibi, Mərkəzin Strateji planlaşdırma və risklərin müəyyən edilməsi şöbəsinin prokuroru Ruslan Ağayev tərəfindən ümumiləşdirilmiş, namizədliyi irəli sürülən şəxslərin işinin kəmiyyət göstəriciləri təhlil edilərək yekun arayış müvafiq Komissiyaya təqdim edilmişdir.
Müsabiqənin ikinci mərhələsi ilə bağlı 03.02.2026-ci il tarixdə Zoom” proqramı vasitəsilə onlayn formada keçirilmiş Komissiyanın ilkin iclasında 39 namizədin hər birinin göstəriciləri Komissiyanın sədri və üzvləri tərəfindən təhlil edilib qiymətləndirilərək onların arasından səsvermə yolu ilə daha üstün göstəricilərə malik olanlar müəyyən edilmişdir.
Belə ki, “Cinayət təqibindən kənar icraat sahəsində ilin ən yaxşı prokuroru” nominasiyası üzrə Baş Prokurorluğun Cinayət təqibindən kənar icraatlar idarəsinin böyük prokuror-metodisti, ədliyyə müşaviri Xəlilov Nazim Abdulmanaf oğlu, “Prosessual nəzarət sahəsində ilin ən yaxşı prokuroru” nominasiyası üzrə Baş Prokurorluğun Prokurorluqda istintaqa nəzarət idarəsinin böyük prokuror-metodisti, kiçik ədliyyə müşaviri Musayev Sabir Elşən oğlu, “Müraciətlərə baxılması sahəsində ilin ən yaxşı prokuroru” nominasiyası üzrə Baş Prokurorluğun Sənədlərlə və müraciətlərlə işin təşkili idarəsinin Sənəd dövriyyəsinin təşkili şöbəsinin böyük prokuroru, I dərəcəli hüquqşünas Məmmədzadə Vüqar Elbrus oğlu, “Hüquqi təminat sahəsində ilin ən yaxşı prokuroru” nominasiyası üzrə Baş Prokurorluğun Hüquqi təminat və insan hüquqları məsələləri idarəsinin prokuroru, I dərəcəli hüquqşünas Bayramova Pərvanə Vidadi qızı, “İctimaiyyətlə əlaqələr sahəsində ilin ən yaxşı prokuroru” nominasiyası üzrə Baş Prokurorluğun Mətbuat xidmətinin prokuroru, kiçik ədliyyə müşaviri Əzizli Əbdülsəməd Rəhbər oğlu, “Material üzrə araşdırma aparan ilin ən yaxşı prokuroru” nominasiyası üzrə Baş prokuror yanında Korrupsiyaya qarşı Mübarizə Baş İdarəsinin Preventiv tədbirlər və təhqiqat idarəsinin prokuroru, I dərəcəli hüquqşünas, Qarakişiyev Fərid Qara oğlu, “İlin ən yaxşı təşkilatçı prokuroru” nominasiyası üzrə Baş Prokurorluğun Təşkilat və icraya nəzarət idarəsinin prokuroru, I dərəcəli hüquqşünas  Musayev İsmayıl İlham oğlu, “Kadr işi üzrə ilin ən yaxşı prokuroru” nominasiyası üzrə Baş Prokurorluğun Kadrlar idarəsinin böyük prokuroru, kiçik ədliyyə müşaviri Paşazadə Elmir Hikmət oğlu, “Əmlakın bərpası üzrə ilin ən yaxşı prokuroru” nominasiyası üzrə Baş Prokurorluğun Xüsusi müsadirə məsələlərinin əlaqələndirilməsi idarəsinin prokuroru, I dərəcəli hüquqşünas, Kərimov Tərlan Şəmsi oğlu, “Beynəlxalq hüquqi əməkdaşlıq sahəsində ilin ən yaxşı prokuroru” nominasiyası üzrə Baş Prokurorluğun Beynəlxalq hüquqi əməkdaşlıq idarəsinin Ekstradisiya və hüquqi yardım şöbəsinin prokuroru, I dərəcəli hüquqşünas Yahyazadə Nigar İlham qızı, “Kriminalistika və informasiya texnologiyaları sahəsində ilin ən yaxşı prokuroru” nominasiyası üzrə Baş Prokurorluğun  Kriminalistika və informasiya texnologiyaları idarəsinin Kriminalistika şöbəsinin böyük prokuroru, ədliyyə müşaviri Bayramov Elmar Aydın oğlu, “Elm-tədris sahəsində ilin ən yaxşı prokuroru” nominasiyası üzrə Baş Prokurorluğun Dövlət təhlükəsizliyi, fövqəladə hallar və sərhəd xidməti orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin böyük prokuror-metodisti, ədliyyə müşaviri Məmmədov Qədir Muxtar oğlu qalib hesab edilmişlər.
Müsabiqənin üçüncü mərhələsi ilə bağlı 04.02.2026-cı il tarixdə “Zoom” proqramı vasitəsilə onlayn formada keçirilmiş Komissiyanın yekun iclasında müsabiqənin ikinci mərhələsinin nəticələri üzrə 12 nominasiya üzrə qaliblərin arasından bu müsabiqənin qalibi müəyyən edilmişdir.
Belə ki, yekun iclasda həmin namizədlər haqqında Komissiyanın sədri və üzvləri çıxış etmiş, namizədlərin 2025-ci il ərzində gördükləri işlər, onların göstəriciləri ətraflı müzakirə olunmuş, müzakirə bitdikdən sonra, “Zoom” proqramı vasitəsi ilə (Komissiyanın sədri və üzvləri qalib olmasına layiq gördüyü namizədin adını və soyadını proqramın çat hissəsində fərdi kanalla Komissiyanın katibinə bildirdi) gizli səsvermə keçirilmişdir.
Gizli səsvermənin nəticələri nəzərə alınaraq, 2025-ci ilin yekunları üzrə Azərbaycan Respublikasının Prokurorluğu orqanlarında “İlin ən yaxşı prokuroru” müsabiqəsinin qalibi Cinayət təqibindən kənar icraatlar idarəsinin böyük prokuror-metodisti, ədliyyə müşaviri Xəlilov Nazim Abdulmanaf oğlunun hesab edilməsi qərara alınmışdır.