Fəaliyyəti üçün məsul qurum kimi Baş Prokurorluğun Elm-Tədris Mərkəzi olan “Azərbaycan Prokurorluğu” elmi-praktiki jurnalının hesabat dövründə 4 buraxılışının materialları hazırlanaraq çap edilib paylanılmışdır.
Belə ki, jurnalın 207 səhifədə olan 2023-cü ilin 4-cü buraxılışında ölkənin ictimai-siyasi həyatında baş vermiş 8 əhəmiyyətli hadisə və prokurorluq qurumlarının 88 tədbiri barədə məlumatlar, 10 məqalə və müsahibə dərc edilmişdir.
Jurnalın 215 səhifədə olan 2024-cü ilin 1-ci buraxılışında ölkənin ictimai-siyasi həyatında baş vermiş 8 əhəmiyyətli hadisə və prokurorluq qurumlarının 55 tədbiri barədə məlumatlar, 7 məqalə və müsahibə öz əksini tapmışdır.
Jurnalın 264 səhifədə olan 2024-cü ilin 2-ci buraxılışında ölkənin ictimai-siyasi həyatında baş vermiş 7 əhəmiyyətli hadisə və prokurorluq qurumlarının 100 tədbiri barədə məlumatlar, 9 məqalə və müsahibə öz əksini tapmışdır.
Jurnalın 270 səhifədə olan Xüsusi buraxılış formatında dərc edilmiş 2024-cü ilin 3-cü nömrəsində isə ölkənin ictimai-siyasi həyatında baş vermiş 18 əhəmiyyətli hadisə və prokurorluq qurumlarının 100 tədbiri barədə məlumatlar, 15 məqalə və müsahibə öz əksini tapmışdır.
Jurnalın göstərilən buraxılışlarında rezonans doğurmuş cinayət işləri barədə mətbuat xəbərləri və qanunvericiliyə edilmiş mühüm dəyişikliklər oxucuların diqqətinə çatdırılmışdır.
Baş Prokurorluğun “İstintaq təcrübəsi” və “Dövlət ittihamının müdafiəsi təcrübəsi” bülletenlərinin 8 və 9-cu nömrələri üzrə Mərkəzin irəli sürdüyü tövsiyə və təkliflər redaksiya heyəti tərəfindən dəyərləndirildikdən sonra nəşr edilməsi barədə rəy verilmişdir.

“Azərbaycan Prokurorluğu” elmi-praktiki jurnalda Mərkəzin əməkdaşlarının müəllif olduğu 5 məqalə işıqlandırılmış, “Dövlət ittihamının müdafiəsi təcrübəsi” bülletenin 8-ci nömrəsində, eləcə də DİN-in Polis Akademiyasının elmi xəbərləri jurnalında məqalələri dərc edilmişdir.